Хөгжлийн Банктай холбоотой асуудлаар УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх тухай Улсын ерөнхий прокурорын саналыг хэлэлцэж буй. Энэ үеэр Халдашгүй байдлын дэд хорооны дарга Н.Энхболд "УЕП–оос УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх асуудлыг УИХ-д оруулж ирсэн. Халдашгүй байдлын дэд хороо хоёр өдөр хуралдлаа. Өчигдрийн хуралдаанаар дөрвөн гишүүнээс нэмэлт тайлбар авахаар болоод тарсан байгаа. Өнөөдрийн хуралдаанаар дөрвөн гишүүний бүрэн эрхийг түдгэлзүүлэх шаардлагагүй гэж үзлээ" гэв.

 

Өөрөөр хэлбэл, УИХ-ын гишүүний бүрэн эрхээсээ өөрийн хүсэлтээр татгалзаад байсан Х.Амартүвшин, хуулийн байгууллагаас бүрэн эрхийг нь түдгэлзүүлж, шалгах шаардлагатай гэж үзсэн Ё.Баатарбилэг, Г.Амартүвшин, Н.Алтанхуяг, Х.Ганхуяг нарыг гишүүний суудлаас буулгахгүй байхаар тогтсон гэсэн үг. Гэхдээ хууль хяналтын байгууллага тус гишүүдийг үргэлжлүүлэн шалгах юм.