Х.Бат-Ялалт, ХҮН-ын гишүүн Д.Үүрцайхтай “Парламент” телевизийн “Аргумент” хэлэлцүүлэгт оролцож байхдаа маргалдаж, зодолдож буй бичлэг нь ил болсон. Юунаас болж маргалдсан талаар Д.Үүрцайхаас тодрууллаа. 

Тэрбээр “Аргумент” нэвтрүүлэгт гурвуулаа оролцсон. Нэвтрүүлэг эхэлснээс хойш Х.Бат-Ялалт бид хоёрыг яриулахгүй, хөтлөгчийн зааврыг ч дагахгүй бүдүүлэг зан гаргасан. Мөн намайг “Үзэл бодолгүй” хэмээн доромжилсон. Түүнийг нь хүлээн зөвшөөрөхгүй болохоор миний эрх чөлөөнд халдсан. “Та нар амьдрал мэдэхгүй” гэхээр нь би “Надад ядарсан ах, дүү, найз нөхөд бий. Бас боломжтой нь ч бий” гэтэл намайг “Дуугүй бай” гэсэн. Тэгэхээр нь би “Чи миний дуугүй байхыг заахгүй шүү” гэсэн чинь босож ирээд цохисон. Ийм л үйл явдал боллоо. Бид түүнийг гарсны дараа нэвтрүүлгээ үргэлжлүүлж, дуусгасан. Би Х.Бат-Ялалтыг гомдол гаргавал мөн гомдол гаргана. Гаргахгүй бол зүгээр орхино” гэлээ.