С.Эрдэнийн зарласан хуралд АН-ын ҮБХ-ны гишүүдийн 91.7% нь оролцоогүй тул хуулийн байгууллагаар шалгуулна гэв

2022-04-16, 887

С.Эрдэнэ Корпорейт зочид буудалд өнөөдөр ҮБХ-ийн хурал гэх хууль зөрчсөн арга хэмжээ зохион байгуулж байна гэсэн мэдээлэл гарсан. Энэ талаар УТЗ-ийн гишүүн Д.Батсайхан "Ардчилсан намын Онц Их хурал хуралдаж ҮБХ-ын гишүүдээ баталгаажуулсан хамгийн сүүлд 2022 оны дөрөвдүгээр сарын 07-ны өдөр хуралдсан АН-ын ээлжит бус Их хурлаас Их хурлын бүрэн эрхийг Их хуралд зөвхөн үлдээх шийдвэр гарсан. Өөрөөр хэлбэл энэ хугацаанд ҮБХ хуралдахгүй гэсэн шийдвэр гарсан. Тиймд өнөөдөр албан ёсоор Ардчилсан намаас зарлан ҮБХ-г хуралдуулаагүй гэдгийг мэдэгдье.

Өнөөдөр хуралдаж байгаа гэх хуралд манай ҮБХ гишүүд хэрхэн оролцож байгаа вэ гэдгийг бүх аймаг, дүүргүүдтэй, ҮБХ-ны гишүүдтэйгээ нэг бүрчлэн холбогдлоо. Ингэхэд ҮБХ-ны гишүүдийн маань 91.7% нь оролцоогүй гэдгээ илэрхийлж байна. Жишээлэхийн бол орон нутгаас Архангай аймаг 15 ҮБХ-ны гишүүдээс 13 нь холбоо барьсан бөгөөд хуралд оролцоогүй гэдгээ илэрхийлсэн. Баян-Өлгий аймаг 14 ҮБХ-ны гишүүдээс 11 нь оролцоогүй.

Баянхонгор аймаг ҮБХ-ны 12 гишүүнээс 11 нь оролцоогүй. Булган аймаг 8-аас 8 оролцоогүй. Говь-Алтай 8-аас 7 оролцоогүй. Дорноговь, Говьсүмбэр аймаг 12 гишүүнээс 11 нь оролцоогүй. Дорнод аймаг 10 гишүүнээс 9 нь оролцоогүй. Дундговь аймаг 7 гишүүнээс 7 оролцоогүй. Завхан аймаг 9 гишүүнээс 7 нь оролцоогүй. Өвөрхангай аймаг 15 гишүүнээс 15 оролцоогүй. Өмнөговь 10-аас 10 гишүүн оролцоогүй. Сүхбаатар 8-аас 8 гишүүн оролцоогүй. Сэлэнгэ аймаг 15 гишүүнээс 13 оролцоогүй. Төв аймаг 14-өөс 13 оролцоогүй. Увс аймаг 14-өөс 14 оролцоогүй. Ховд аймаг 15 гишүүнээс 11 нь оролцоогүй байна. Хөвсгөл аймаг 17 гишүүнээс 15 нь оролцоогүй. Хэнтий аймаг 15-аас 14 оролцоогүй. Дархан-Уул аймаг 15-аас 11 гишүүн оролцоогүй. Орхон аймаг 15 гишүүнээс 14 нь оролцоогүй гэсэн мэдээллийг ҮБХ-ны гишүүд маань өглөө.

Тэгэхээр орон нутгийн 21 аймгийн 249 ҮБХ-ны гишүүдээс 223 гишүүн энэ хуралд оролцоогүй гэдгээ илэрхийллээ. Нийслэлээс 134 гишүүн оролцоогүй гэдгээ илэрхийлснээр нийт ҮБХ-ны гишүүдийн 357 гишүүн оролцоогүй гэдгээ илэрхийлснээр энэ хуралд оролцоогүй гишүүдийн тоо 91.7%-д хүрч байна. Өнөөдөр буюу 2022 оны дөрөвдүгээр сарын 16-ны өдөр Ардчилсан намаас ҮБХ-ны хурал зарлаагүй гэдгийг албан ёсоор мэдэгдэж байна. С.Эрдэнэ тэргүүтэй хэсэг бүлэг хүмүүс Ардчилсан намын ҮБХ-г зарлан хуралдуулахаар болсон байна. Гэтэл уг хуралд 21 аймаг, 9 дүүрэг болох 30 нэгжийн төлөөлөл болсон ҮБХ гишүүд хуралд оролцохгүй гэдгээ албан ёсоор мэдэгдлээ. Үүнийг ҮБХ-ны гишүүд өөрсдийн тойрог, тойргоосоо мэдээлсэн бөгөөд уг дүнг Ардчилсан намын Улс төрийн зөвлөл мэдэгдэл хийж ҮБХ гишүүдийн 91.7% нь энэ хуралд оролцоогүй гэдгийг албан ёсоор мэдээлж байна.

Харин энэ талаар Үндсэн дүрмийн хорооны дарга Б.Мягмардаш

ҮБХ-г зарлан хуралдуулах эрх бүхий 3 субьект байдаг. Намын дарга, Улс төрийн зөвлөл, ҮБХ-ны гишүүдийн гуравнб нэгээс дээш хувь нь зөвшөөрснөөр хуралдуулах эрхтэй болдог. Тиймд албан ёсоор ҮБХ хуралдаагүй гэж үзэж байна. 2021.01.10-ны өдөр намын бүртгэлээс С.Эрдэнийг 8 жилийн хугацаатай хассан бөгөөд энэ нь өнөөдрийн байдлаар намын дарга биш, ҮБХ-г хуралдуулах эрх бүхий этгээд биш иргэн С.Эрдэнэ болсон үг юм. Ингэж хууль бус үйл ажиллагаа хийж түүнийгээ хурал цуглаан болсон мэтээр сошиалаар тарааж байна.

УТЗ-ийн гишүүн Б.Түвдэндорж

Манай намын удирдах дээд байгууллага их хурал учир Их хурлыг хуралдуулаад нээлттэй орхисон тохиолдолд ҮБХ хуралдах эрхгүй. Улс төрийн зөвлөлийн гишүүдийн 90 гаруй хувь нь энэ ҮБХ-ны хуралд оролцоогүй мөн зарлаагүй. Мөн сая хэлсэнчлэн ҮБХ-ны гишүүдийн 91.7% нь тус хуралд оролцоогүй байна. Мөн гуравны нэгээр зарлаж хуралдуулаагүй байхад шууд хуралдуулсан байна. ҮБХ-г хуралдуулах бүх эрх бүхий байгууллагууд хуралдуулах шийдвэр гаргаагүй тул энэ нь хүчин төгөлдөр хурал болохыг мэдэгдэж байна.

С.Эрдэнийн зарласан хуралд АН-ын ҮБХ-ны гишүүдийн 91.7% нь оролцоогүй тул хуулийн байгууллагаар шалгуулна гэв

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2022-04-17 09:59:23

нямзав: энэ гарууд хэдэн жил ажилгүй явсан. мөнгөгүй болж дээ.батсайхан чи эхэлээд өөрийгөө шалгуул.тэр завханаа хар.21 аймгаас хамгийн хоцрогдсон аймаг.өөрийн толгой дээрх тэмээгээ хараад дараа нь хүний толгой дээрх өвсийг хар тэнэг дурак минь

Шинэ мэдээ

Нийтлэлчид