Сүхбаатарын талбайд хоёр өдөр үргэлжилсэн “Ажлаа хий” жагсаалын жагсагчдын тавьсан шаардлагыг Л.Оюун-Эрдэнэ өнөөдөр жагсагчдаас авсан билээ. Тэгвэл тус саналын хүрээнд Засгийн газар ээлжит бусаар хуралдаж, гаргасан шийдвэрийг танилцуулж байна.

    Тэрбээр “Төр нь ард иргэдтэйгээ шууд харилцаж байгаа ардчиллын энэ зарчмыг хараад үнэхээр бахархах сэтгэл төрж байна. Бид хамтдаа хөгжлийн шинэ 30 жилийн түүхийг бүтээх учиртай. Өнгөрсөн 30 жилд алдаа, оноо их бий. Гэхдээ Монгол Улс парламентын ардчилсан тогтолцоотой болж чадсан, үг хэлэх эвлэлдэн нэгдэх эрх чөлөөгөө олж чадсан. Монгол Улс Азийн цээжинд тусгаар тогтносон улс хэвээр байгаа давуу тал бий. Өнөөдөр эдийн засгийн форум дээр хуралдаж байгаа гадаадын зочид шууд ардчиллын хэлбэрээр иргэдтэйгээ төр нь харилцаж байгаа жагсаалаар бахархсан гэдгийг хэлэхэд таатай байна. Ингээд Засгийн газрын зүгээс чадах бүх зүйлээ хийх болно, энэ асуудлаа цаашид үргэлжлүүлэх болно. Та бүхэн минь Үндсэн хуулиа хүндэтгэж, тайвнаар эвлэлдэн нэгдэж чадсан шигээ, тайвнаар тарахыг хүсье” гэв.