Сүхбаатарын талбайд хоёр өдөр үргэлжилсэн “Ажлаа хий” жагсаалын жагсагчдын тавьсан шаардлагыг Л.Оюун-Эрдэнэ өнөөдөр жагсагчдаас авсан билээ. Тэгвэл тус саналын хүрээнд Засгийн газар ээлжит бусаар хуралдаж, гаргасан шийдвэрийг танилцуулж байна.

    Тэрбээр “Засгийн газар олон улсын хямралт байдлын үед шаардлагатай бүх арга хэмжээг авч, хэмнэлтийн тусгай горимд коронавирусийн үед шилжсэн энэхүү тогтоолыг сэргээсэн. Ингэхдээ том оврын машинаар төрийн албан хаагчид Улаанбаатар хотод ашиглахгүй байх, том оврын автомашиныг нэгдсэн парк байдлаар зохион байгуулах, цаашлаад төрийн албан тушаалтнуудын тасалгаанд тодорхой хэмжээний метр квадратын шалгуур тавих, бусад хяналттай холбоотой асуудлыг Засгийн газрын хуралдаанаар шийдвэрлэлээ” гэв.

  Мөн дотоодын хөрөнгийн биржээ ашиглан ил тод болгох асуудлыг ирэх долоо хоногт Улсын Их Хуралд Засгийн газар өргөн мэдүүлэхээр боллоо. Харин Залуучуудын холбооны байр ашглалтын асуудалд төрийн байгууллага учраас Засгийн газар шууд оролцох боломжгүй.  Монголын Залуучуудын Холбоо гэх байгууллагыг удирдаж байгаа үе үеийн хүмүүс олон нийтийн өмчийг шамшигдуулсан байна. Монголын Залуучуудын Холбоо болон бусад асуудалд ямар нэгэн шамшигдуулалт үүссэн байна уу гэдэгт хууль хяналтын байгууллага болон Авлигатай Тэмцэх газар шилжүүлэхээр шийдвэрлэсэн гэлээ.