Сүхбаатарын талбайд хоёр өдөр үргэлжилсэн “Ажлаа хий” жагсаалын жагсагчдын тавьсан шаардлагыг Л.Оюун-Эрдэнэ өнөөдөр жагсагчдаас авсан билээ. Тэгвэл тус саналын хүрээнд Засгийн газар ээлжит бусаар хуралдаж, гаргасан шийдвэрийг танилцуулж байна.

    Тэрбээр “Та бүхнээс гаргасан 15 шаардлагын 11-т тусгагдсан нийгмийн даатгалын шимтгэл, НӨАТ-ын сугалааг олгохгүй байх, НӨАТ-ын хэм хэмжээг тогтоох, олон улсын төлбөр тооцоо, сонгуульд хар машиныг ашиглахгүй байх, УИХ-ын гишүүний халдашгүй бүрэн эрхийг цуцлах зэрэг асуудал бол УИХ-тай зайлшгүй хамтарч ярих асуудал юм. Тиймээс холбогдох байнгын хорооны дарга нар, УИХ-ын удирдлагуудад олон нийтийн зүгээс шүүмжлэл дагуулж байгаад бухимдалтай байна. Ерөнхий сайдын хувьд олон нийттэй уулзаж, энэ асуудлаар ярилцсан гэдгээ УИХ-ын удирдлагуудад хэлсэн. Тиймээс үүнийг УИХ-тай хамтарч шийдэхийг уриалж байна” гэв.