Залуус үнийн өсөлтийг эсэргүүцэн өчигдрөөс эхлэн Сүхбаатарын талбай дээр жагссан. Тэгвэл өнөөдөр Монгол Улсын Ерөнхийлөгч Л.Оюун-Эрдэнэ талбай дээр гарч ирж, жагсагчидтай уулзлаа.

    Энэ үеэр жагсаалд оролцогч  Б “Би жагсаалд өчигдрөөс эхлэн оролцсон. Өглөө босоод шөнө болсон үйл явдлыг хараад их бухимдсан. Жагсаалд гурван зорилготой оролцсон, өнөөдөр зорилгоо биелүүллээ. Нэгдүгээрт, баригдсан залуусыг суллахыг шаардсан. Өнөөдөр бүгдээрээ суллагдсан байна. Хоёрдугаарт, авлигын тухай хууль энэ долоо хоногийн гурав дахь өдөр УИХ-аар хэлэлцэхээр болсон. Гуравт нь, хүмүүс өнөөдөр болохгүй зүйл хийгээд байдаг. Тэгвэл залуус жагсаж, Хууль зүйн, дотоод хэргийн сайд, Ерөнхий сайд хоёроор уучлалт гуйлгалаа.  Энэ байдал жишиг болох болов уу гэж бодож байна. Одоо тэгээд Ажлын хэсэг байгуулагдана гэж байна. Харин бизнес эрхэлж байгаа залуус төр, цагдаагийн дарамтад ордог асуудлыг хэлэх гэсэн ярьж амжсангүй. Одоо миний хүлээж байгаа зүйл бол ирэх долоо хоногт авлигын тухай  хуулийн төсөл өргөн барина гэснийг  харж байна. Мөн яг одоо ороод хуралдаан зарлана гэснийг үзье гэж бодож байна" гэв.