Үнийн өсөлтийг эсэргүүцэн жагссан залуус Сүхбаатарын талбайд жагсаж байгаа. Өнгөрсөн шөнө жагсаалыг тараахаар хүч хэрэглэж, 60 гаруй иргэнийг баривчилсан.

           Тэгвэл энэ талаар ХЗДХ-ийн сайд Х.Нямбаатар Сүхбаатарын талбайд гарч ирж, мэдээлэл өгч байна. Тэрбээр “ Монгол Улсын  Ерөнхий сайд Л.Оюун-Эрдэнэ залуустай уулзахаар талбайд гарч ирлээ. Энэ үеэр Хууль зүйн сайд Х.Нямбаатар “ Өчигдөр орой 4:00 цагийн орчимд нийтийн эмх замбараагүй, хүнд нөхцөл байдал бий болсон. Жагсагчдын нэлээд хэсэг нь архи, согтууруулах ундааны зүйлийг хэтрүүлэн хэрэглэсэн байсан. Тэгээд цагдаагийн байгууллага хууль, дүрэм заасны хүрээнд жагсаал, цуглааныг тараах уриалгыг жагсагч залууст тавьсан. Цагдаагийн байгууллагын таван албан хаагчийн эрүүл мэндэд хохирол учирсан бол төрийн тусгай хамгаалалтын хоёр албан хаагч эрүүл мэндээр хохирсон. Өнөөдрийн байдлаар ямар нэгэн жагсаал, цуглаанд оролцсон залуусыг хорьж, цагдаад байгаа тохиолдол байхгүй. Өглөө тодорхой залуусыг хуульд заасан хүрээнд өөрсдийг нь дуудаж, асууж тодруулаад хаяг, биеийн байдлыг нь тогтоогоод бүх хүнийг гаргасан. Тэгэхээр одоо жагсагчдаас хоригдсон нэг ч хүн байхгүй. Өчигдөр цагдаагийн байгууллагын алба хаагчид цагдаагийн эрх үүргийн хэм хэмжээгээ хэтрүүлсэн. Одоогоор цагдаагийн нэр бүхий алба хаагчтай холбогдуулж албаны шалгалт хийж байна. Удахгүй албаны шалгалтын дүнг хэвлэлийнхэнд танилцуулна. Хэм хэмжээгээ хэтрүүлсэн нэр бүхий алба хаагчдын өмнөөс уучлалт гуйж байна” гэлээ.