Монгол Улсын  Ерөнхий сайд Л.Оюун-Эрдэнэ залуустай уулзахаар талбайд гарч ирлээ. Тэрбээр “Залуучуудаа би та бүхнээс чин сэтгэлээсээ уучлалт гуйж байна. Өнөөдөр Монгол Улсын Засгийн газар чадаж байгаа зүйл байна, чадахгүй байгаа зүйл ч байна.  Өнөөдөр бидэн шиг ингэж  талбайдаа цуглаж чадахгүй олон газар байгаа.  Сүүлийн хоёр жилийн цар тахлын нөхцөл байдал амаргүй байлаа. Цаашид олон зүйлийг хамтдаа даван туулна. Өнөөдөр та бүхнийг бухимдалтай байлгаж, ийм байгаад уучлаарай.  Өчигдөр орой би гарч ирэхийг их хүссэн. Гэвч Ерөнхий сайд шууд гарч ирж болдоггүй. Нийгэмд өнөөдөр олон асуудал байгаа учраас та бүхэн энд цугларсан байх" гэв.