Шинэ сэргэлтийн бодлогын үр дүн, төлөвлөгөө, төрийн бүтээмжийн сэргэлт болон нийслэлд хийгдэх бүтээн байгуулалтуудын талаар Шадар сайд С.Амарсайхан дараах мэдээллийг өглөө.

Тэрбээр “Арван жилийн хугацаанд хийдэг байсан төсөл хөтөлбөрүүдээ жилийн хугацаанд хийх боломж байна гэдгийг эхнээсээ харж байна шүү дээ. Хэдэн жил шаардагддаг байсан төмөр замыг 5-6 сарын дотор тавих боломж бүрдсэн байна. Бид хоёр жил үргэлжилсэн цар тахлын хугацаанд боомт ямар чухал, эмзэг асуудал вэ гэдгийг харлаа. 40 гаруй боомтоос дөрөв нь агаарынх, бусад нь хуурай замынх байна. 236 км Ханги төмөр зам ирэх есдүгээр сард ашиглалтад орвол Замын-Үүдээр гарч буй галт тэрэгний эргэлт хоёр дахин нэмэгдэнэ. Гашуунсухайтын төмөр зам ч мөн ялгаагүй үр дүн дагуулна. Шинэ боомтуудын хүчин чадлыг нэмэгдүүлнэ. Ойрын хоёр жилд ачаа эргэлтийг нэмэгдүүлснээр эдийн засгийг ДНБ-ээрээ хоёр дахин нэмэгдүүлэх бодит боломж байна" гэв.