Хөшигтийн хөндийн  бүтээн байгуулалтын талаар УИХ-ын гишүүд хэлэлцлээ.

  Энэ үеэр  УИХ-ын гишүүн Ж.Сүхбаатар “Эдийн засгийн форум эхэлж байна. Ерөнхий сайд шинэ сэргэлтийн бодлогын хүрээнд хийж, хэрэгжүүлсэн зургаан чиглэлийн асуудлыг танилцуулж байгаа. Энэ дотроо бол Хөшигтийн хөндийн асуудал дурдагдаж байна. Монголд санхүүгийн олон улсын шинэ чанартай, эдийн засгийн тусгай бүс байгуулах санааг хэлж байна.Үүнийг тойруулаад, одоогийн Чөлөөт бүсийн тухай хууль тогтоомжоор энэ асуудлыг зохицуулаад явчих бололцоо хомс байна. Эдийн засгийн чөлөөт бүс болон тусгай бүсэд холбогдсон санхүүгийн үйлчлэх хуулиудад олон хууль орж ирэх болно. Энэ байдлыг хэрхэн тооцож байгаа вэ. Бид нар эдийн засгийн чөлөөт бүсийг зөндөө ярьдаг ч бодитой ажил явахгүй байна. Тэгэхээр эрхзүйн тусгай дэглэм тогтоох тухай асуудал яригдах ёстой байх гэж харж байна” гэв.