Тагнуулын ерөнхий газраас хийсэн өнөөдрийн мэдээлэлтэй холбоотой асуудлаар Ардчилсан намын удирдлагууд  мэдээлэл хийж байна. Энэ үеэр О.Баасанхүү “Ардчилсан намын үе үеийн лидерүүд улстөрчдийн гарт амиа алддаг. Хэрвээ тэд бусдын гарт амиа алдаагүй байсан бол өнөөдрийнх шиг хагарал, бутралд орохгүй байсан. Хоёрдугаарт,  үнийн өсөлт, ажилгүйдэл, ядуурал гээд эрх баригч нам хариуцлагагүй ажиллаж, иргэдийн бухимдлыг хүргэж байна. Тэгэхээр иргэд мэдээлэл сайтай байх хэрэгтэй. Өчигдөр Ерөнхий сайд баахан татаа тунгаа яриад явсан. Өнөөдөр Тагнуулын ерөнхий газраас мөн учир битүүлэг мэдээлэл хийлээ. Энэ мэдээлэлтэй хамгийн ойр байдаг хууль хүчний байгууллага, төр засгийн газрууд ард түмний тайван амгалан байдлыг хангах үүднээс захиалагчтай нь хамт гэм буруугийн хэргийг шийдэх ёстой” гэв.