Зөрчлийн тухай хуульд нэмэлт өөрчлөлт оруулах хуулийн төслийг хэлэлцэх эсэхийг Хууль зүйн байнгын хороо хэлэлцлээ. 

    Энэ үеэр УИХ-ын гишүүн С.Бямбацогт “Зөрчлийн тухай хууль бол 2015 онд УИХ-д өргөн баригдаж, хэлэлцэгдсэн. Тус хуулийг хэрэгжүүлэхтэй холбоотой журам, зааавар батлах зэрэг олон ажлууд хийгдээгүй байсны улмаас 2017 оны долдугаар сард хэлэлцэхээр болж хойшлуулсан. Өмнө нь иргэд, аж ахуй нэгжийн гаргасан зөрчилд төрийн байгууллагууд давхардуулсан шийтгэл оногдуулдаг байсан. Тухайлбал, нэг зөрчил гаргасан байхад Гаалийн Ерөнхий газраас ирээд торгоод явдаг байсан бол Мэргэжлийн хяналт, Төрийн аудит мөн шалгадаг байсан. Үүнээс үүдэн ард иргэдэд хүнд суртал гаргадаг байсан. Тэгээд энэ үзэл баримтлалыг алга болгох үүднээс 220 орчим хуулийг нэгтгээд, нэг хууль болгож гаргасан. Үүгээрээ энэ хууль харьцангуй зөв зарчимд шилжээд явж байна” гэв.