Засгийн газрын хуралдааны шийдвэрийг танилцууллаа. Энэ үеэр Уул уурхай, хүнд үйлдвэрийн сайд Г.Ёндон мэдээлэл өглөө. Тэрбээр “Манайд 42 хоногийн шатахууны нөөц бий. 2018 оны нэгдүгээр сарын 24-нд АИ-92, АИ-80 шатахууны онцгой албан татварыг тэглэсэн. Харин АИ-92 шатахуунаас  гааль болон НӨАТ-ын татвар авдаг. Мөн дизель түлшинд онцгой албан татвар, гаалийн татвар, НӨАТ-ын татвар бий. Газрын тосны бүтээгдэхүүн, мах, гурилын гаалийн татварт зохицуулалт талаар Засгийн газар анхаарч байгаа. 2021 оны арванхоёрдугаар сарын сүүлийн өдрүүдэд импортлогч аж ахуйн нэгжүүд 290 тэрбум орчим төгрөгийн зээл авсан. ОХУ-ын шатахуун зарим үед шатахуунаа экспортлохгүй байгаа. Шатахуун, газрын тосонд нэгдүгээрт, эргэлтийн хөрөнгийн зээл олгож байгаа. Хоёрдугаарт, урьдчилгаа төлбөрийн зээл, гуравдугаарт, валютын эрдлээс хамгаалах журам, заалтууд орсон. Үүний хүрээнд аж ахуйн нэгжүүд асуудлаа зохицуулна гэсэн үг. Алт олборлодог аж ахуйн нэгжүүд Монгол банкны валютын нөөцийг бүрдүүлэх, эргэлтийн хөрөнгийн зээл болон урьдчилгаа төлбөрийн зээлийг үргэлжлүүлэхээр болсон” гэв.