УИХ-ын гишүүн Х.Ганхуягийг Хөгжлийн банкны чанаргүй зээлдэгчдийн нэг хэмээн зарласан. Тэрээр энэ талаар сэтгүүлчдэд тайлбар өгөхдөө “Тухайн үед би гишүүн биш иргэн байсан. Иргэн Х.Ганхуяг эгчдээ яаж зээл авч өгөх юм бэ. Улс төрийн ямар нөлөөлөл ашиглах вэ. Надад тэрийг хэлээд өгөөч. Намайг гишүүн болохоос өмнө миний эгч зээл аваад төлөөгүй бол хариуцлагыг нь би хүлээх ёсгүй. Харин гишүүн болчихоод эгчдээ зээл авч өгсөн бол  ёс зүйн хариуцлага хүлээх ёстой. Одоо эгчийнхээ компанийг шахуу ажиллахыг шаардаж байгаа. Ойрын 4-5 сарын дотор зээлээ төлж дуусах байх гэж бодож байна. Манай эгчийн компани Хөгжлийн банкнаас 14, 15 хувийн хүүтэй, 100 тэрбум орчим төгрөгийн барьцаатай арилжааны зээл авсан юм билээ. Намайг эгчийнхээ компанид эрх мэдэл, албан тушаалын байдлаа урвуулан ашиглаж, хэн нэгэнд нөлөөлж зээл авч өгсөн гэж хоёр жил гүтгэлээ. Би өөрийгөө шалгуулах хүсэлтээ АТГ-т өгөх гэж байгаа” гэв.