Ардчилсан Намын даргыг сонгох сонгуулийн санал хураалт дөрөвдүгээр сарын 3-нд орон даяар болж өндөрлөлөө. Сонгуулийн санал хураалтын урьдчилсан дүн мэдээг Ардчилсан Намын Дотоод сонгуулийн хорооны дарга И.Мөнхжаргал танилцууллаа. АН-ын даргын сонгуульд санал өгөхөөр нэрсийн жагсаалтад бүртгэгдсэн нийт сонгогчдын 74.9 хувь нь санал өгч оролцсон байна. Нийт санал өгсөн АН-ын гишүүдийн 96.3 хувь нь нэр дэвшигч Халтмаагийн Баттулгын төлөө санал өгсөн гэж АН-ын Дотоод сонгуулийн хорооноос мэдээллээ.