УИХ-ын чуулганы нэгдсэн хуралдааны үеэр Ч.Хүрэлбаатар “Хөрөнгө оруулалтын төлөвлөгөөнд орох өөрчлөлтийн талаар ярьж байна. Энэ өөрчлөлтийг Хөгжлийн яам оруулж байгаа. Энэ талаар ярих гэж сайд нарыг яах гэж суулгаж байгаа юм бэ. Сайд нар явж ажлаа хийх хэрэгтэй. Эдийн засаг амаргүй байна шүү дээ. Өдөржин энд суух хэрэг байна уу. Манай улсын эдийн засагт тулгарч буй гол асуудал бол бүх зүйлийн үнийн өсөлт шүү. Урд хил энэ онд нээгдэхгүй байх магадлалтай. Мөн Украины дайнтай холбоотой асуудал энэ жилдээ намжихгүй, цаашид үргэлжилнэ. Ийм үед доллар олдохгүй. Монгол банкны үнэ худлаа яваад байна” гэв.