УИХ-ын чуулганы нэгдсэн хуралдааны үеэр Сангийн сайд Б.Жавхлан мэдээлэл өглөө. Тэрбээр “Зарим төсөл, төсвүүдийг нэмэх, хасах шаардлагатай байна. Нарийн сухайтын ордоос урагшаа Шивээ хүрэн боомтод барьсан авто замын төсөл амжилттай хэрэгжиж байгаа. Хэдхэн хоногийн өмнө Зүүнбаянгаас Мандал боомт хүртэлх замын Экспорт огт зогсоогүй. Бага хэмжээгээр явж байгаа. Хамгийн хүнд үе бол өнгөрсөн оны арванэгдүгээр сар, арванхоёрдугаар сар байсан. Эрдэнэтийнхээ зэсийг ч явуулж чадахгүй хашаанд нь хурааж байлаа. Харин одоо Эрдэнэтийн экспорт хэвийн үргэлжилж байгаа. Нүүрсний экспортын боомтууд гуравдугаар сар гарснаас хойш нэмэгдэж байна. Өчигдрийн байдлаар 545 чиргүүлтэй автомашинаар нүүрс гаргасан. Манай талаас шалтгаалж буй халдвар хамгаалалтын дэглэмээ сайжруулсны үр дүнд сүүлийн 14 хоног Гашуун сухайтын наад талд коронавирусийн халдвар илрээгүй. Цаад талдаа 1-2 хүнээс халдвар илэрсэн. Гэсэн ч нүүрсний татан авалт буураагүй. Ойрын хугацаанд уртын тээврээ эхлүүлэхээр экспорт хүлээж авах талуудтай ярилцаж байна” гэлээ.