Хөгжлийн банкны асуудлаар Ерөнхий хяналтын сонсгол хийж байна.

   Энэ үеэр УИХ-ын гишүүн Т.Доржханд “Ард түмэн болон намуудын хувьд их хүлээсэн Сонсгол. Тэгэхээр үр дүнтэй баймаар байна. Ингэхийн тулд үр дүн гаргахаар тодорхой мэдээлэл өгөх хүмүүсийг оруулах нь зүйтэй. Хоёр сарын өмнө хоёр сэтгүүлчээ зогсоож байгаад хэлэлцүүлэг хийсэн, үр дүн нь хаана байна. Иймээс холбогдох эрх бүхий албан тушаалтнуудыг дуудах хэрэгтэй байна. Монгол Улсын парламент өнөөдөр шийдвэр гаргадаг байгууллага нь юм бол дуудах хэрэгтэй. Эрх барьж байгаа намын дарга, Ерөнхий сайд Л.Оюун-Эрдэнэ нарыг дуудах хэрэгтэй. Мөн Ардчилсан намын удирдлага, тухайн үед засаг барьж байсан Ерөнхий сайдуудыг дуудах хэрэгтэй байна” гэв.