УИХ-ын Боловсрол, соёл, шинжлэх ухаан, спортын байнгын хорооны өчигдрийн хуралдаанаар “Монголоо мандуулъя” аяны уриалга дор хийгдэж буй “Нийгмийг соён гэгээрүүлэхэд шинжлэх ухааны үүрэг оролцоо, шийдэл гарц” сэдэвт эрдэм шинжилгээний хурал зохион байгуулав.

   Энэ үеэр УИХ-ын гишүүн Б.Жаргалмаа “Монголоо мандуулъя” сэдвийн хүрээнд байр сууриа илэрхийлэв. Тэрбээр “Өнөөдөр гадны киноны 80 хувь нь Солонгос, 70 хувь нь Хятад байгаа юм.  Бид Монголоо яаж мандуулах, Монголоо яаж авч үлдэх вэ гэдэгт бодлого барих хэрэгтэй байна. Энэ талын бодлого байхгүйгээс алдаад байна. Өнөөдөр охидууд яагаад Алтайн магтаал, Монголын язгуур урлагаа ярихгүй ВlackPink, BTS гэж яриад байгаа юм. Монголоо мандуулж, Монгол өв соёлоо авч үлдэж байгаа хүн ховор байна" гэв.