Хөтөлийн цемент шохойн ХК-ийг төрийн өмчид авч, захирлаар нь Л.Наранбаатарыг томилсон. Тэгвэл энэ талаар тэрбээр  “Өнөөдөр төр өмчөө буцааж авч байна. Хөтөлийн цемент шохой үйлдвэрийг үнэгүй авсан гэж хэлж болно. Гол үнэ цэн нь орддоо байгаа юм. Төрийн нийтийн өмч ард түмний баялагт байна. Гэтэл төрийн нийтийн өмч, ард түмний баялагийг үнэгүй ашиглаж, олборлож борлуулчихаад алдагдалтай ажилласан. Хөгжлийн банкнаас авсан хөнгөлөлттэй зээлээ төлж чадахгүй гээд сууж байна. Өнөөдөр бүтээн байгуулалтын үед цементийн үнээ өсгөчихөөд, төрийн өмчийн төлөөлөл ирээд өмчтэйгээ танилцъя гэхэд “Улаан хашаа татна, та нарыг оруулахгүй” гэж ярьж байгаа нь ёс зүйгүй байна. Би тэднээс “Та нар хэдэн сая тонн цементийн тонн чулуу, ард түмний өмч, баялагийг үнэгүй авч байсан бэ” гээд асуухаар хариулт өгөхгүй байна. Өнөөдөр ордыг үнэлсэн байдлыг нь харахаар талх үнэлж байгаа юм шиг нэг тонн шохойн чулууг бага үнэ цэнээр үнэлсэн байна. Мөн Хөтөлийн нэгдүгээр ордын нөөцийг дарсан байгаа юм” гэв.