2022 оны хаврын ээлжит чуулганы нэгдсэн хуралдаан эхэллээ.

    Энэ үеэр УИХ-ын гишүүн Ш.Адьшаа “Байгаль орчныг хамгаалах тухай хуульд нэмэлт өөрчлөлт оруулах тухай хуулийн төслийг хэлэлцэх нь зүйтэй. Монгол Улсын үндсэн хуулийн өөрчлөлтийн хүрээнд байгаль орчинтой холбоотой асуудал, байгалийн баялаг нийт ард түмний өмч байх, төр, нийгмийн өмч байх тухай асуудлыг хөндөж тавьсан. Үүнтэй холбоотойгоор БОАЖ-ын сайдаас асуух асуулт байна. Монгол Улсын үндсэн хуульд газрын доорх болон дээрх баялаг Монголын ард түмний өмч байна гэсэн ойлголт бий. Гэтэл өнөөдөр байгаль орчны хуулийн төсөлд, хуультай холбоотой асуудлууд хөндөгдөж гарч ирээгүй байна.  Тухайлбал, газрын дээрх баялагт орж байгаа улаан номд орсон ховор ан амьтдыг аялал жуулчлалын зориулалтаар агнаж, нууц тогтоол гаргаж ирж, бүхэл бүтэн мафын систем бий болсон байгаа. Энэ асуудлыг зохицуулах талаар байгаль орчны тухай хууль тогтоомжид ороогүй байна” гэв.