Засгийн газрын хуралдаанаас гарсан шийдвэрийг танилцуулж байна.

           ХХААХҮ-ийн сайд З.Мэндсайхан “Монгол Улсын Засгийн газраас “Атарын-4” аяны хүрээнд эх орныхоо хөрсөнд ургасан дотоодын хүнсний бүтээгдэхүүнээр дотоодын хэрэгцээг хангах, цаашид экспортлогч орон болох зорилт тавьсан. “Атарын-4” аяны хүрээнд “Эх орны-Эрүүл хүнс” хөтөлбөрийн хүрээнд тодорхой чухал шийдвэр гаргалаа. Хүнсний ногооны үйлдвэрлэлийг дэмжих тухай Засгийн газрын тогтоол батлагдлаа. Засгийн газраас хүнсний ногоо тариалагчдаа анх удаа намрын ургацын дүнгээр стандартын шаардлага хангасан, ил талбайн тарималд тонн тутам 100 мянган төгрөгийн татаас өгөх шийдвэр гаргалаа. Мөн хүлэмжийн аж ахуй эрхэлдэг аж ахуйн нэгжүүдэд үзүүлдэг эрчим хүчний хөнгөлөлтийн хугацааг уртасгалаа. Түүнчлэн хөнгөлөлт үзүүлэхийг цагийг ч уртасгахаар боллоо. Хаврын тариалалтад зориулж, улсын төсвийн хөрөнгөөр худалдан авсан хүнсний ногоо, таримал, хүлэмжийн таримлын үнийг 80 хувь хөнгөлөх шийдвэр гаргалаа. Энэ жилийн хаврын тариалалтад зориулж Хөдөө аж ахуйн дэмжих сангаас 13.8 тэрбумын дэмжлэг үзүүлнэ. Мөн хаврын тариалалт, намрын ургац хураалтад нийтдээ 22.5 мянган тонн шатахуун хэрэгтэй байгаа. Мөн бордоог тариаланчдад 30 хувийн хөнгөлөлттэй үнээр олгоно. Түүнчлэн малчдад зориулсан хөнгөлөлттэй, гурван хувийн хүүтэй зээл олгохоор боллоо” гэлээ.