Улаанбаатар хотын захирагч Д.Сумъяабазар хотын бүтэн байгуулалт, эдийн засгийн талаар мэдээлэл өглөө.

   Тэрбээр “Буруу рултэй машиныг хориглох асуудал бол Улсын Их Хурлын асуудал, нийслэлийн хувьд санал оруулах ёстой. Шаардлагатай бол УИХ-д саналаа оруулдаг. Нийслэлийн хот тохижилтын ажилд ганц буруу рултэй машины асуудал яригдахгүй. Нэг сая 600 мянган хүн гэдэг бол манай хотын эдийн засаг. Миний хувьд нэг сая 600 мянган хүн гэдэг бол 244 жил алтан тэвшийн хөндий, хүн чулууны хонхорт цугларсан ард түмний нэгдэл. Энэ хугацаанд хүн амын төвлөрөлийг зөв зохицуулбал, эдийн засаг болох зйүл. Үүнийг хөдөлмөрийн бүтээмжид суурилсан эдийн засаг болгоно гэж байгаа юм. Тэгэхийн тулд хувийн хэвшлээ бүх талаас нь дэмждэг бодит тогтолцоог бүрдүүлье гэж байна. Дэлхийн хотууд тухайн улсынхаа дотоодын нийт бүтээгдэхүүний 70-80 хувийг бүрдүүлдэг юм билээ. Тэгэхээр манай Улаанбаатар хот өөрөө эдийн засгийн 70 хувийг бүрдүүлж байгаа. Өөрөөр хэлбэл, хөдөлмөрийн бүтээмжид суурилуулна гэдэг нь уул уурхайгаас олж байгаа орлогоо хотынхоо бүтээн байгуулалтад хөрөнгө оруулалт хэлбэрээр нь оруулья гэсэн санааг гаргаж байна. Үүнийг хотын эдийн засаг гэнэ. Ерөнхий сайд асан М.Энхсайханыг хотынхоо хөгжил, эдийн засгийн төлөө хамтарч ажиллаач гэдэг санал тавьсан.М.Энсайхан сайд бол дэмжсэн” гэв.