Украин Улсад байгаа иргэдээ татан авах асуудлын талаар Шадар сайд С.Амарсайхан сэтгүүлчдэд мэдээлэл өглөө.

   Тэрбээр “Украины Улсын асуудал манай улсад хүнд тусах нөхцөл байдал үүсэж байна. Ингэхдээ манайд эдийн засаг, ачаа тээвэр, бараа материал, шатахууны үнэд шууд нөлөөлнө. Мөн бид дотоод нөөц бололцоогоо хэрхэн ашиглах, урьдчилан сэргийлэх замаар бараа бүтээгдэхүүн болон эм тарианыхаа нөөцөд хэрхэн анхаарах вэ гэдэг дээр салбар салбарын сайд нар төлөвлөгөө гарган ажиллаж байна. Украин Улсад суугаа иргэдээ хэрхэн татах талаар Гадаад харилцааны яам арга хэмжээг авч ажиллаж ирсэн. Украинд нийт 68 иргэд байдгаас өнөөдрийн байдлаар 30 гаруй иргэн эх орондоо ирсэн байна. Одоо харин 34 оюутан ирэх асуудал бий. Энэ талаар Засгийн газар ээлжит бусаар хуралдаж, эх орондоо авчрах асуудал шийдвэрлэсэн. Тэгэхээр Гадаад харилцааны яам болон холбогдох байгууллагууд боломжтой сувгуудаар татах ажлыг зохион байгуулж байна. Иргэдийг татах хөрөнгө мөнгийг шийдвэрлэсэн. Одоогийн байдлаар шатахууны хомстолын асуудал үүсээгүй байна" гэв.