Шадар сайд С.Амарсайхан “Эрдэнэс Медипас” эмнэлгийн хувьчлалын талаар мэдээлэл өглөө.

   Тэрбээр “Эрдэнэт Медипас” эмнэлгийн хувьчлалыг цуцалж, Эрүүл мэндийн яаманд шилжүүллээ. Өчигдрийн Засгийн газрын хуралдаанд энэ асуудлаар өнгөрсөн хугацаанд хийсэн бэлтгэл ажил, хийсэн судалгаа, авч хэрэгжүүлсэн арга хэмжээний талаар Засгийн газрын тэргүүн танилцуулсан. Энэ хүрээнд “Эрдэнэт Медипас” эмнэлгийн барилгыг ойрын хугацаанд хүлээж авна.  Тус эмнэлгийг хувьчилж авсан цагаас хойш  Эрдэнэт үйлдвэрээс нийтдээ  12.7 тэрбум төгрөгийг энэ эмнэлэг авсан байдаг. Ингээд буцагаад 6.6 тэрбум төгрөгийг эмнэлгийн төлбөр гээд үйлдвэр рүү шилжүүлсэн асуудал байна. Мөн өнгөрсөн хугацаанд хувьчилж авсан байгууллагад нь буцааж өгөх шаардлагыг хүргүүлэхэд 30 сая ам.долларын нөхөн төлбөр өгөхгүй бол эмнэлгийг  буцааж өгөхгүй гэдэг асуудал яригдсан. Төр өмчөө хулгайд алдаад буцаагаад хуулийн дагуу авахдаа төлбөр төлөх асуудал байж болохгүй. Тийм учраас бүх асуудлыг хуулийн дагуу шийдвэрлэж, Төрийн өмчит тус эмнэлэг буцаж ирэхээр болж байна” гэв.