Хөгжлийн банканд хийсэн шалгалтын явцын талаар ажлын хэсэг мэдээлэл хийлээ. Энэ үеэр ажлын хэсгийн ахлагч Б.Баттөмөр сэтгүүлчдийн асуултад хариулсан юм.

-Арилжааны банкууд зээл олгохдоо хувааж олгодог. Хөгжлийн банк яагаад аж ахуйн нэгжүүдийн зээлийг бөөнд нь олгосон юм бэ?

             -УИХ-ын гишүүн Б.Баттөмөр “Хөгжлийн банкнаас зээл авсан аж ахуйн нэгжүүдийг буруутгах үндэслэлгүй. Ямар ч хүн бизнес хийхдээ хямд үнэтэй, зээлийн хүү нь бага зээлийг авахыг хичээнэ. Хамгийн гол нь олгож байгаа хүмүүс буруутай гэж үзэж байгаа. Судалгаа хийж үзэхэд хугацаа хэтэрсэн 73 зээлийг асуудлыг ярих ёстой юм байна. Аж ахуйн нэгжүүдэд олгосон зарим зээлийг 2-3 удаа тасалж өгсөн байдаг юм билээ. Мөн шууд бөөнд нь олгочихсон ч зээл бий. Үүнийг ч шалгаж үзэх хэрэгтэй. Бизнес нь хэрхэн, яаж хэрэгжих, хэдийд мөнгө нь хэрэгтэй, хэзээ буцаж төлөх зэрэг тооцоо судалгааг Хөгжлийн банкан дээр хийгдэж байх ёстой. Энэ дүрмийг мөрдөлгүйгээр зээлийг нь бүгдийг нь нэг дор олгочихсон тохиолдол олон бий. Хуулийн байгууллага шалгаад тогтоох байх.