Засгийн газрын хуралдааны үеэр Ерөнхий сайд Л.Оюун-Эрдэнэ хөгжлийн банкны асуудалд өөрийн байр суурийг илэрхийллээ. 

   

   Тэрбээр “Засгийн газрын Хэрэг эрхлэх газрын даргаар ажиллаж байх үедээ 2019 оны тавдугаар сард Улсын ерөнхий прокурор болон Авлигатай тэмцэх газарт хандаж хөгжлийн банктай холбоотой илэрсэн зөрчлийг ангилж үзэх бичих явуулж байсан. Хууль хяналтын байгууллагууд хөгжлийн банкнаас олгосон нийт 75 орчим зээл, 66 зээлдэгчийн мэдээлэлд үндэслэж, дүгнэлт гарган Засгийн газрын хуралдаанд танилцуулсан. Мөн шинэ сэргэлтийн бодлогын хүрээнд хөгжлийн банкыг бид татан буулгахгүй, дамбууруулахгүй. Түүнчлэн Засгийн газар хариуцлагагүй зээлдэгчдийн өмнөөс зээлийг төлөхгүй гэдгийг хэлье. Цаашид хөгжлийн банк экспортыг дэмждэг, импортыг орлуулахыг дэмждэг банк болгож, олон улсын жишгийн дагуу ажиллах хэрэгтэй. Гэвч хөгжлийн банк байгуулагдсан зорилгоороо ажиллаж чадаагүй. Үүний үр дүнд, 3.2 их наяд төгрөг хөгжлийн банкны нийт зээл, хүүгийн үлдэгдэл болж, Монгол банкны тогтоосноор 55.3 хувь буюу 1.8 их наяд төгрөг чанаргүй зээлийн ангилалд орсон байна. Монгол Улсын Засгийн газар хөгжлийн банкны зээлийг хоёр хувааж үзнэ. Энэ нь нэгдүгээрт, хөгжлийн банкнаас аваад зориулалтын дагуу ашигласан, барьцаа хөрөнгө нь хангалттай, тухайн төсөл Монгол Улсын хөгжилд тодорхой хувь нэмэр оруулсан байх ёстой.Мөн цар тахлын улмаас эргэн төлөлт их биш хугацаагаар үүссэн энэ асуудлыг Засгийн газар хэвийн зээл гэж үзнэ. Хамгийн чухал нь  улс төрийн нөлөөлөл ашиглаж зээл аваад, авсан зээлээ зориулалтын бусаар зарцуулж, тухайн үед улс төрчид болон хөгжлийн банкны удирлагуудад нөлөөлж, барьцаа хөрөнгө авсан зээлтэй нь харьцуулбал хангалтгүй зээл байна. Мөн шүүхэд шилжиж маргаан үүсгэсэн. Эдгээр хүмүүстэй Засгийн газар хатуу арга хэмжээ авна гэдгийг хэлье” гэв.