Монгол Улсын Ерөнхий сайд Л.Оюун-Эрдэнэ өнөөдөр мэдээлэл хийлээ. Тэрбээр “Иргэд, аж ахуй нэгж, хөрөнгө оруулагчдаа, эрхэм жуулчдаа өнөөдөр Засгийн газар хуралдаж, цар тахлын улбар шар түвшинг, шар түвшинд шилжүүлэхийг албан ёсоор шийдвэрлэн, баталлаа. Ингэснээр иргэд амны хаалтаа зүүж, зайгаа барьж, вакциндаа идэвхтэй хамрагдахаас бусад цар тахлын үеийн бүх хязгаарлалт өнөөдөр цуцлагдаж байна. Жуулчдыг манай улсад айлчлан ирэх бүхий л бололцоог хангаж ажиллана. Бид өнгөрсөн хоёр жилийн хугацаанд удаа дараагийн хязгаарлалт, долоо удаагийн хатуу хөлөө хорио тогтоож, цар тахлын амаргүй цаг хугацааг туулж, одоо ч үргэлжилж байна. Энэ хугацаанд экспорт тасалдаж, ачаа тээвэр удааширч, үйлчилгээний газрууд үүд хаалгаа барьж, Монгол Улсын эдийн засаг -3 хувь хүртэл агшсан. Тэгэхээр иргэд цаашид ч халдвараас урьдчилан сэргийлж, анхаарал, хяналтаа сулруулахгүй байхыг хүсэж байна" гэв.