Хөгжлийн банкнаас авсан зээлээ төлөөгүй ААН-үүдийг зээлээ төлөхийг шаардах зорилгоор "Өөрөөр нь төлүүлье” хэлэлцүүлгийг сэтгүүлчид өчигдөр "Туушин" зочид буудалд зохион байгуулсан билээ.

Энэ үеэр УИХ-ын гишүүн Т.Доржханд: Хөгжлийн банкны талаар өнөөдөр хэлэлцэж байна. Энэ бол маш сайн асуудал. ЖДҮ-г мартсан шигээ энэ асуудлыг мартаж болохгүй. Нэр бүхий итгээдүүдэд хариуцлаг хүлгээх ёстой. Үүнд хоёр төрлийн хариуцлага бий. Нэг нь хууль зүйн нөгөө нь улс төрийн хариуцлага байгаа юм. Хуулийн хариуцлага дотор юу гэж заасан бэ гэхлээр энэ зээл авсан хүмүүс заавал эргэн төлөх ёстой. Энэ хүмүүс мөнгө нь байхгүй гээд байгаа. Мөнгө байгаа хаа нэг газар машин болчихсон эсвэл банк, банк бусуудад хөрөнгө оруулалт хийгээд мөнгө угаагдаж байгаа. Иймд энэ хэргүүдийг илрүүлж илчлэх нь зөв. Шууд хэлье Хөгжлийн банкнаас зээл авсан хүмүүс улс төрчид байгаа шүү. Тодорхой хэлбэл Худалдаа хөгжлийн банкны захирал "сахал" Д.Эрдэнэбилэг гэж хүн хамгийн их зээл авсан. Монгол Улсын Ерөнхийлөгч асан Х.Баттулга гэж хүний хамаарал бүхий хүн их хэмжээний зээл авсан байна. Ер нь 2010-2020 онд эрх мэдэлтэй байсан хүмүүс бүгд зээл авсан байгаа. Иймд улс төрийн хариуцлага нэхэхээс гадна хуулийн хариуцлага хүлээлгэх ёстой.