Ерөнхий сайд БНХАУ-д айлчилсан айлчлалын үр дүнг Гадаад харилцааны сайд Б.Батцэцэг мэдээлэл өглөө. Тэрбээр "Олимп спортын наадамтай холбоотой хийсэн энэ айлчлал цар тахлын үед тодорхой хязгаартай, шахуу болсон ч үр дүнтэй, өгөөж ихтэй айлчлал байлаа. Айлчлалын үеэр Ерөнхий сайд Л.Оюун-Эрдэнэ БНХАУ-ын дарга Ши Жиньпин, БНХАУ-ын Төрийн зөвлөлийн Ерөнхий сайд Ли Көчянтай албан ёсны уулзалт хийж, Монгол, Хятадын иж бүрэн стратегийн харилцааны түвшинг шинэ түвшинд гаргах, жишиг харилцаа үүсгэх, хоёр улсын харилцааг эрчимжүүлэх бодлогын баримт бичгүүдийг нэмэх чиглэлээр ярилцсан.

      Хоёр улс хөгжлийн бодлого төлөвлөлтийн талаар дэлгэрэнгүй ярилцсан. Жишээлбэл, хилийн боомтын үйл ажиллааг сайжруулж, нүүрс, зэс, төмрийн хүдэр зэрэг экспортын бүтээгдэхүүнээ хэвийн байдалд оруулж, гарцыг нэмэх талаар ярилцлаа. Мөн хийн хоолойг асуудлыг ярилцлаа.Монгол Улсын Засгийн газраас дэвшүүлж байгаа Шинэ сэргэлтийн бодлогыг хэрэгжүүлэхэд тус улсаас хамтарч ажиллах талаар тохиролцоонд хүрсэн" гэлээ.