УИХ-ын ээлжит бус чуулган өчигдөр хуралдаж, 2022 оны  төсөвт тодотгол хийх,  Нийгмийн даатгалын сангийн 2022 оны төсвийн тухай хуульд өөрчлөлт оруулах тухай хуулийн төслийн нэг дэх хэлэлцүүлэг хийсэн. Энэ үеэр  УИХ-ын гишүүн Ч.Хүрэлбаатар “Төсвийн тухай хуулиар төсвийн орлого буувал төсөв тодотгодог үндсэн зарчимтай. Төсвийн орлого давбал тэр нь эмнэгдээд үүсээд байгаа өрийг барагдуулах үндсэн агуулгатай нийцэхгүйгээр төсвийн тодотгол хийх гэж байгааг анхааруулав. Түүнчлэн өнөөдрийн шийдвэрээр 650-700 тэрбум төгрөгийн нэмэлтийг хийх нь. 2023 он гэхэд энэ тоо нэг их наяд төгрөгт хүрнэ. Энэ нь эргээд алдагдлыг нэмэх тул цаашид нийгмийн даатгалын сангийн алдагдлыг хэрхэн шийдэх вэ” гэж асуув.

   Харин Сангийн сайд Б.Жавхлан “Нийт 637 тэрбум төгрөгийн тэтгэврийн нэмэгдлийн төсвийн  зохицуулалтыг тодотголоор хийнэ. Үүнээс өнгөрсөн оны нийгмийн даатгалын давсан орлого 326 тэрбум төгрөгтэй дүйцэхүйц төсвийн зохицуулалт дотор төсвийн хөрөнгө оруулалтаас 123 төслийн 260 тэрбум төгрөг, 54  тэрбум төгрөгийн урсгал зардал, 34 тэрбум төгрөгийн гадаад зээл, тусламжийн зохицуулалтыг хийж байна” гэсэн юм.