УИХ-ын ээлжит бус чуулганы үеэр УИХ-ын гишүүн Н.Учрал тэтгэврийн доод хэмжээг нэмэгдүүлэх талаар байр сууриа илэрхийллээ.

 Тэрбээр "Тэтгэврийн доод хэмжээг нэмэгдүүлэх хуулийн төслийг оруулж ирж байгаад их баяртай байна. Үнэхээр ахмадууд бол хөдөлмөрийн хөлснөөс доод хэмжээний ядуу амьдарч байна. Одоо цаашид эрдэнэс Оюутолгойгоос орж ирж байгаа баялагийг тэтгэврийн сан дээр хуримтлуулах, хуримтлалын нэгдсэн сангаа даруй хийж, нийгмийн даатгалын реформоо хийж эхлэх шаардлагатай байна. Мөн тэтгэврээр их улстөрждөг болсон. Нэг үсэг тавьж үзээгүй, нэг хууль санаачилж үзээгүй поп Т.Доржханд гэдэг нөхөр бий болсон. С.Одончимэг гишүүний тархи угаагаад, ул боов тараавал хуульчилна гээд хийх ажилгүй хүнтэй боллоо. Хэдэн хүн, жагсагчдад мөнгө өгөөд, эхлээд бид наадамгүй болсон, одоо бөх ч барилдаж чадахгүй болсон. Сүүлдээ цагаан сараа хийж, ахмадаа ч хүндэлж болохоо болих юм байна. Ардчилсан намын мөнхийн дарга С.Эрдэнээс нийгмийн даатгалын сангийн мөнгийг олж ирмээр байна" гэв.