Хөдөлмөр нийгмийн хамгааллын сайд А.Ариунзаяа  тэтгэвэр, тэтгэмжийг нэмэгдүүлэх талаар мэдээлэл өглөө.

  Тэрбээр "Хувь тэнцүүлсэн тэтгэвэр хүлээн авагчдын 83 мянган хүн 500 мянган төгрөгөөс доош тэтгэвэр тэтгэмж авдаг байна. Одоогийн байдлаар тэтгэвэр, тэтгэмжийн хувь хэмжээ, бүрэн тэтгэврийн доод хэмжээ 350 мянган төгрөг, хувь тэнцүүлсэн тэтгэврийн доод хэмжээ 300 мянган төгрөг байна. Коронавирусийн үе болон эдийн засгийн нөхцөл байдалтай уялдуулан тэтгэврийн хэмжээг нэмэгдүүлэх нь зүйтэй гэсэн шийдвэрийг шат, шатны бүх л байгууллага удирдлагууд, ерөнхийлөгч хүртэл бидэнтэй уулзаж, зөвлөмж өгсөн. Энэ хүрээнд тэтгэврийг нэмэх асуудалд саналаа гаргаж өнөөдөр Засгийн газрын хуралдаанд танилцуулж, бодлогоо баталж, УИХ-д өргөн бариад байна. Аль болох бүх хүнд хүртээмжтэй байх хэмжээнд нэмэгдүүлэх нь зүйтэй гэсэн бодлогыг дэвшүүлсэн" гэв.