БСШУ-ы сайд асан Ё.Отгонбаярын эхнэрийн хамаарал бүхий компани Хөгжлийн банканд 17.7 тэрбум төгрөгийн өртэй, найдваргүй зээлдэгчдийн жагсаалтад багтсан талаарх мэдээлэл хэвлэл мэдээллийн хэрэгслээр цацагдсан.

       Сайд асан Ё.Отгонбаяр уг мэдээллийг ил гаргасан сэтгүүлчдийг заналхийлж, сүрдүүлсэн захидал илгээсэн нь өчигдөр цахим хуудаст ил болсон. Тэрбээр сэтгүүлч У.Оргилмаа руу “Чи новшийн Зариг.мн сайтдаа хэлээрэй. Хогийн хоёр гар. Та хоёроос болж ах нь салж байна, муу п..да минь. Чамайг олж ална. Миний амьдралыг алсан бол хариугаа авна. Зариг.мн сайттай чинь хамт ална. Та нар тэгж байгаа  бол алалцана, яадаг юм” гэж бичсэн билээ.

Тэгвэл бид хүний амьд явах эрхэнд халдаж, амь насанд нь заналхийлсэн  сайд асан Ё.Отгонбаяр руу холбогдож, тодруулахад “Тайлбар өгөхгүй. Твиттер хараарай” гэв.

Тэрбээр твиттер хуудастаа “Өчигдөр би бухимдахдаа ёс зүйгүй үг хэрэглэжээ. Иймд зүй бус үг хэрэглэсэндээ харамсаж байна. Албан ёсоор сэтгүүлчдээс уучлалт гуйж байгааг минь хүлээн авна уу” гэжээ.