Хилийн боомтын үйл ажиллагааг сайжруулах ажлын хэсгээс мэдээлэл хийлээ.  Тус мэдээлэлд Зам тээврийн дэд сайд Ж.Бат-Эрдэнэ  дараах байр суурийг илэрхийллээ. “Ажлын хэсэг үндсэн гурван зорилготой. Нэгдүгээрт, ачаа тээврийг эхлүүлэх, зохион байгуулалтыг нь сайжруулах. хоёрдугаарт, Тээвэр зохион байгуулалттай холбоотой халдвар хамгааллын дэглэмийг хатуу мөрдүүлэх. гуравдугаарт, Олон талт хамтын ажиллагааг удирдлагаар хангах” гэсэн гурван чиг үүргийн дагуу ажиллалаа.

Замын-Үүд сумын хэмжээнд халдварыг хумих, тараахгүй байх тал дээр ажиллаж байна. Улаанбаатараас Замын-Үүд рүү зорчих иргэдэд тавих шаардлагыг тодорхой болгосон. Тусгаарлалтын арга хэмжээг авч, хилийн цэргийн албан хаагчдыг тусгаарлаж байна. Бүх зүйл хатуу хяналтын доор хийгдэж байгаа. Энэ бүхэнд хамтын ажиллагаа, ойлголцол нэн чухал юм.

Замын-Үүд суманд тээвэр зохион байгуулалт, халдвар хамгаалалттай холбоотой ямар нэгэн асуудал одоогоор үүсээгүй байна. Цаашид ч мөн үүсгэхгүйн төлөө анхаарч ажиллах болно.

Тээврийн үнэ хөлс, тээвэр зуучийн хөлстэй холбоотой асуудлыг нээлттэй платформ байгуулах замаар шийднэ. Энэ асуудлаар БНХАУ-тай ярилцаж байна. Нээлттэй флатформд бүртгэгдсэн карго цаашид ажиллана. Монголын хувьд ч тийм болно. Ингэснээр үнэ хаана өсөөд байгаа нь ил тод болно. Мөн Замын-Үүдийн чингэлгийн    ачаа саадгүй үргэлжилж байна. Одоогоор халдвар хамгаалал, зохион байгуулалттай холбоотой асуудал үүсээгүй. Энэ нь тэнд ажиллаж буй олон хүний хув нэмэр юм. Хүн болгоны хамтын ажиллагаа харилцан ойлголцол цаашдын ажилд чухал учраас ажлын хэсгээс иргэдийг хамтран ажиллахыг уриалж байна. Өнөөдрийн байдлаар 587 тээврийн хэрэгслээр 767 чингэлэг улсын хилээр оруулж ирсэн байна.  Үүний 60 хувийг барилгын материал эзэлж байна. Барааны үнийг өсгөхгүй байх талаар дээр ЗГ бүх арга хэмжээг авч байгаа” гэлээ.