АН-ын нарийн бичгийн дарга А.Цэрэнбат “Бид утаа яриад 32 жил бож байна. Үүний 26-д нь МАН засагласан. Энэ хугацаанд бид иргэдийн зуухыг сольсон, сайжруулсан шахмал түлш гаргасан. Одоо иргэдийн буруу гээд иргэд рүүгээ орж байна. Сүүлийн гурван хотын дарга утаатай холбоотой юу хийв. Сү.Батболд шөнийн гудамж барьсан, С.Амарсайхан ажилладаггүй усан оргилуур барьсан, Д.Сумъяабазар шөнийн гудамжийг татаж буулгаад өглөөний гудамж барьсанаас өөр юу ч хийгээгүй. Утаатай тэмцэх асуудалд мөнгө хангалттай байгаа. Л.Оюун-Эрдэнэ гал унтраах байдлаар асуудлыг шийддэг. Өөрийг нь эсэргүүцээд үг хэлсэн хүнийг шоронд хийдэг. Утааны асуудалд хэн ч хариуцлага тооцохгүй байна. Энэ асуудалд нэг сайд, орлогч дарга хоёрыг явуулах биш, Засгийн газраараа огцрох ёстой. Ажлаа аваад арав гаруйхан хонож байгаа залуу биш, Д.Сумъяабазар өөрөө явах ёстой байсан. МАНА-ын улс төрийн зоригтой шийдвэр нь хаана байна, үргэлж баганын араар нуугддаг. Одоогийн Засгийн газарт эрчимтэй ханцуй шамлаад орж байгаа ажил нэг ч байхгүй” гэв.