Ардчилсан намаас цаг үеийн асуудлаар мэдээлэл хийлээ.

  Энэ үеэр Э.Бат-Үүл даргатай холбоотойгоор УИХ-ын гишүүн асан О.Баасанхүү "Ардчилсан намын зүгээс хууль эрхзүйн асуудалд ажлын хэсэг байгуулаад хоёр чиглэлээр асуудалд хандаж байна. нэгдүгээрт, ардчилсан намын нэртэй УИХ-ын гишүүн зэрэг хүмүүс аливаа нэгэн гэмт хэрэгт холбогдсон бол бид өмөөрөхгүй, харин ч шалгуулах ёстой гэдгийг улсын прокурорын байгууллага болон хууль хяналтын байгууллагад өгнө. Үүний тулд бүлгийн даргаасаа хэдэн арван нэгэн гишүүн түдгэлзээд ч хамаагүй шалгуулах асуудал. Хоёрдугаарт, үзэл санааг нь эсэргүүцдэг хүмүүсийг мөн шалгуулна. Э.Бат-Үүл даргын асуудалд манай намын зүгээс тайван хандаж байсан. Нэгдүгээрт, энэ ямар нэгэн тендертэй холбоотой асуудал биш юм байна гэж бодон бид шүүх нь шударга шийдэх байх гээд хүлээж байсан.

  Гэтэл Э.Бат-Үүл даргыг ардчиллын алтан хараацай С.Зоригийг хөнөөсөн юм шиг нэр төрд нь халдаж, үр хүүхдэдээ хүртэл тендер авч  өгдөг гэсэн байдлаар хэвлэл мэдээллийнхэн сурталчилгаа хийдэг байсан. Гэвч эцэст нь хөөн хэлэлцэх хугацаа нь бүрэн дууссаны дараа ял, шийтгэл өглөө. Олон хүн хөөн хэлэлцэх хугацаагаар чөлөөлөгдсөн. Гэтэл энэ хууль Э.Бат-Үүл даргад үйлчлэхгүй болчихлоо. Иймээс манай намын бүлгийн дарга Д.Ганбатын зүгээс Монгол Улсын Ерөнхий шүүгч Д.Ганзориг, Ерөнхий прокурор Б.Жаргалсайхан нарт албан тоот хүргүүлсэн байгаа. Бид аль ч нам үзэл санааны хоригдол болсон, олон нийтийн өмнө үг хэлэх эрхээ илэрхийлсэн, эрх баригчдын эсрэг зоригтой шүүмж хэлсэн хүмүүсийг ялгаварлан гадуурхаж байгаа асуудалд нам бол хэзээ ч хүлээн зөвшөөрөхгүй" гэв.