Шадар сайд С.Амарсайхан хөл хорио тогтоох эсэх талаар мэдээлэл өглөө.

  Тэрбээр "УОК-оос хөл хорио, хязгаарлалт тогтоох санал огт гаргаагүй. Омикроны халдвар хурдацтай тархаж байгаа нь эрүүл мэндийн салбарын ачааллыг нэмэх эрсдэл байна. Өнгөрсөн долоо хоногтой харьцуулахад,  энэ долоо хоногт халдварын тохиолдол дөрөв дахин нэмэгдсэн, цаашид ч нэмэгдэнэ. Тиймээс аль болох төрийн байгууллага, элдэв төрлийн арга хэмжээ зохион байгуулахгүй байх шаардлагатай, хувийн хэвшлийнхэн ажилтан албан хаагчдаа цахимаар ээлжлүүлж ажиллуулах хэрэгтэй байна, хүмүүс дор бүрнээ халдвар хамгааллын дэглэмээ баримталж анхаарах ёстой. Мөн сар шинийн баяраар цахимаар золголт хийж, гэртээ тэмдэглэх хэрэгтэй. Халдварын тархалт энэ хурдаар явах юм бол 60 мянгаас дээш гарна гэсэн тооцоолол бий. Тиймээс хүн бүрийн оролцоо чухал. Сар шинээр хязгаарлалт тогтоож болно, гэхдээ аливаа зүйлийг заавал хорьж, цагдуулж байх шаардлагагүй. Хувь хүний өөрийн зохион байгуулалтын асуудалд тулгуурлаж байна. Бидэнд хааж, хорих шиг амархан юм байхгүй. Сар шинээр малчдын цол тэмдэг өгөх асуудал журмаараа явагдана" гэв.