Нийслэлийн Засаг дарга бөгөөд Улаанбаатар хотын захирагч Д.Сумъяабазар сэтгүүлчдэд мэдээлэл өглөө. Тэрбээр "Монгол Улсын ерөнхий сайдын өгсөн үүрэг чиглэлийн дагуу Байгаль орчин, аялал жуулчлалын сайд болон дэд сайд, Төрийн нарийн бичгийн дарга нарт хариуцлага тооцсон. Мөн нийслэл Улаанбаатар хоттой холбоотой асуудалд хариуцлага тооцох чиглэл хүргүүлсэн. Шинээр томилогдох хүмүүс нь мэргэжлийн түвшинд бэлтгэгдсэн, улс төрийн мэдрэмжтэй байж, үйлдвэрүүдээрээ явж танилцах, 2022-2023 оны өвөлжилтийн бэлэн байдлыг хангах ёстой гэж бодож байна. Хэн нэгний буруу гэхээс илүү аливаа асуудлын шалтгааныг олоод түүн дээр нь ажиллана гэсэн байр суурийг барьж байсан. Иргэдийн тавьж байгаа шүүмжлэлийг бид хүлээж авах, тэдний гаргаж байгаа шүүмжлэл юунаас болов гэдгийг ярих ёстой. МАН бол хариуцлага тооцож чаддаг улс төрийн хүчин" гэв.