Засгийн газрын ээлжит хуралдаанаар зарим албан тушаалтнуудыг дэд сайд, төрийн нарийн бичгийн даргын албанд томилж заримыг нь өөр байгууллагад сэлгэн ажиллуулах асуудлыг хэлэлцэж байна. Тухайлбал, Сангийн яамны Төрийн нарийн бичгийн дарга Санжаагийн Наранцогтыг Эдийн засгийн хөгжлийн яамны дэд сайдаар томилохоор боллоо.

Шинээр байгуулагдаж буй Эдийн засгийн хөгжлийн яамны дэд сайдаар томилогдох С.Наранцогт гэж хэн бэ гэдгийг танилцуулж байна.

            С.Наранцогт нь МУИС, Сөүлийн их сургуулийг төгссөн. Физик, математик PhD докторын зэрэгтэй. Сангийн яам, БСШУЯ, Хөдөлмөрийн яаманд газрын даргын албыг хашиж байсан. Төрийн банкны ТУЗ-ийн гишүүн бөгөөд ТУЗ-ийн дэргэдэх Хүний нөөц, урамшууллын асуудал эрхэлсэн хорооны даргаар ажиллаж байжээ.

БОЛОВСРОЛ

• 1988 онд Мандалговь хотын I сургууль
• 1990 онд МУИС-н гүнзгийрүүлсэн сургалттай тусгай лицей сургууль
• 1994 онд МУИС-н физик математикийн сургууль, Бакалавр
• 2001 онд МУИС-н магистр докторын сургууль, Магистр
• 2008 онд Сөүлийн Үндэсний Их сургууль, Доктор PhD /Инженерийн Эдийн засаг/
• 2013, 2014 онуудад Харвардын Их Сургуульд Төрийн Санхүүгийн удирдлагаар мэргэжил дээшлүүлсэн.

АЖЛЫН ТУРШЛАГА

• 1993-1994 онд Математикийн хүрээлэнд туслах эрдэм шинжилгээний ажилтан
• 1994-1997 онд Шинжлэх ухаан мэдээллийн төвд ахлах инженер
• 1997-2000 онд Монголын нээлттэй нийгэм хүрээлэнд хөтөлбөрийн зохицуулагч
• 2000-2003 онд Батлан хамгаалах яам, Монголын урлагийн зөвлөл, "IC" ХХК зэрэг байгууллагуудад зөвлөхөөр ажилласан
• 2003-2005 онд Сангийн яаманд мэргэжилтэн, хэлтсийн дарга
• 2008-2012 онд Боловсрол, соёл, шинжлэх ухааны яамны Санхүү, хөрөнгө оруулалтын газрын дарга
• 2012-2015 онд Хөдөлмөрийн яамны Санхүү, сангийн бодлого төлөвлөлтийн газрын дарга
• 2015-2017 онд Сангийн яамны Төрийн сангийн газрын дарга
• 2017 оноос Сангийн яамны Төрийн нарийн бичгийн дарга