Ерөнхий  сайд Л.Оюун-Эрдэнэ БОАЖ-ын сайд Б.Бат-Эрдэнийг Ерөнхийлөгч У.Хүрэлсүхэд танилцууллаа.

                 Энэ үеэр Ерөнхийлөгч У.Хүрэлсүх “Ажлын хариуцлага алдсан үндэслэлээр БОАЖ-ын сайд, дэд сайд, Төрийн нарийн бичгийн даргыг Ерөнхий сайд огцруулсан байна. Засгийн газар, Ерөнхий сайдын өөрийнх нь бүрэн эрхийн асуудал. Хамгийн гол нь, шинээр томилогдож байгаа сайд, дэд сайд сайн ажиллах ёстой. Энэ жил утааны асуудалд хариуцлагагүй хандсан. Шахмал түлшний бүхий л материалыг дотоодоосоо бэлтгэж байгаа. Хяналт, шалгалт хийгээгүйн улмаас сахилга, хариуцлага алдсан. Ийм учраас БОАЖ-ын шинээр томилогдсон сайд байгаль орчинтой, эко системийг хамгаалах, Улаанбаатарын утааны нөхцөл байдлыг сайжруулах тал дээр ихээхэн анхаарч ажиллаж хэрэгтэй. Мөн газар нутгийн 70 гаруй хувь цөлжилтөд нэрвэгдсэн учраас хамгаалж ажиллаарай. Түүнчлэн томоохон гол, мөрөн, булаг шандыг хамгаалж ажиллахад анхаарал хандуулж ажиллах хэрэгтэй. Засгийн газрын шинэ гишүүн Б.Бат-Эрдэнэ ээ, амжилт хүсье” гэлээ.