Улсын Их Хурлын намрын нэгдсэн чуулганы үеэр УИХ-ын гишүүн О.Цогтгэрэлийн тавьсан шаардлагад УИХ-ын дарга Занданшатар хариулт өглөө.

  Тэрбээр “Сүүлийн үед ардчилсан нам, ардчилсан намын бүлэг, нэр бүхий гишүүд хоорондоо зөрчилдөөд нэг нэгнээ үгүйсгэсэн бичгийг удаа дараа ирүүлж, УИХ-ын үйл ажиллагаанд ойлгомжгүй байдлыг үүсгэж байна. Ардчилсан нам дотоот дүрэм журам, соёлынхоо хүрээнд болон шүүхээр асуудлаа эцэслэн шийдвэрлэсний дараа хуульд заасны дагуу УИХ-д хандах нь зүйтэй. УИХ-ын даргын хувьд ардчилсан намын додоот зохион байгуулалтын талаар аливаа мэдэгдэл шийдвэрийг чуулганы нэгдсэн хуралдаанд танилцуулах боломжгүй бөгөөд тийм хуулийн зохицуулалт ч байхгүй. Намын дотоод асуудлыг зохицуулаад, УИХ-ын гишүүдийн бүрэн эрхэд хандаад, Тамгын газрын ажилчдад үүрэг өгөөд, өрөө тасалгаанаас нь гаргаад байх юм бол ардчилал хайчих вэ, цөөнхийг хүндэтгэх ёстой” гэв.