Засгийн газрын ээлжит хуралдаанаас гаргасан шийдвэрийг танилцуулж байна. Энэ үеэр Ерөнхий сайдын хэвлэлийн төлөөлөгч Ч.Болортуяа сэтгүүлчдийн асуултад хариуллаа.

-Шахмал түлштэй холбоотой асуудлыг хэлэлцэнэ гэсэн. Ямар шийд шийдвэр гарсан бэ?

-Яг одоо утаатай холбоотой асуудлыг хэлэлцэж байгаа. Агаарын бохирдолтой холбоотой асуудлаар сүүлийн хоёр хуралдаанаар дамнаж хэлэлцэж байгаа. Ерөнхий сайд хугацаатай үүрэг даалгаврыг өнгөрсөн долоо хоногийн хуралдаанаар өгсөн. Энэ жилийн агаарын бохирдолтой яагаад эрчимтэй нэмэгдэж байгааг талаар судалгаа хийж, танилцуулах үүрэг өгсөн. Яг одоогийн байдлаар судалгааг танилцуулах ажил үргэлжилж байна. Энэ асуудлыг шийдсэний дараа та бүхэнд мэдээлэл өгнө.

-Хүүхдийн мөнгөө авах хүсэлтээ өгөхгүй, хоцорчихсон тохиолдол шууд нэрийн данс руу орох уу. Яаж авах вэ. Хүүхдийн мөнгөөрөө амьдардаг олон айл байгаа шүү дээ?  

-Сар бүрийн 20-ноос өмнө хүүхдийн мөнгөө авах хүсэлт гаргах нь иргэдэд хүндрэл учруулна гэдгийг Ерөнхий сайд онцолж, өөр арга зам, шийдэл олж ирэхийг А.Ариунзаяа сайд даалгасан байгаа. Мөн энэ асуудалд Хууль зүй, дотоод хэргийн сайд Х.Нямбаатарыг хуулийн гаргалгаа олж, хамтарч ажиллахыг даалгасан гэлээ.