Засгийн газрын ээлжит хуралдаанаас гаргасан шийдвэрийг танилцуулж байна. Ерөнхий сайдын хэвлэлийн төлөөлөгч Ч.Болортуяа “Хүүхдийн мөнгөн хуримтлалыг төрийн санд байршуулан хуримтлах, бүртгэх, олгох журмыг талаар Засгийн газрын хуралдаанаар хэлэлцсэн. Ирээдүй-Өв сангийн тухай хуульд 2021 оны арваннэгдүгээр сард нэмэлт өөрчлөлт оруулсан. Тодруулбал,  эцэг, эх болон хууль ёсны асран хамгаалагч зөвшөөрвөл сард нэг удаа хүсэлт гаргаж, хүүхдийн мөнгөө авах эрхтэй гэсэн өөрчлөлт орсон. Нэмэлт өөрчлөлттэй холбоотой журмын төсөл өнөөдрийн Засгийн газрын хуралдаанаар хэлэлцсэн. Өөрөөр хэлбэл, иргэд сар болгон хүсэлт гаргасны үндсэн дээр хүүхдийн мөнгөө авах, эсвэл хадгална. Ерөнхий сайдын зүгээс сар болгон хүсэлт гаргах нь иргэдэд хүндрэл чирэгдэл учруулна. Тийм учраас журмыг хуулийн хүрээнд хэрхэн өөрчлөх боломж байгааг судалж, долоо хоногийн дотор танилцуулж, шийдвэрлэх үүргийг холбогдох сайд нарт өгсөн” гэлээ.