Улсын Онцгой комиссоос цаг үеийн асуудлаар мэдээлэл хийж байна. Энэ үеэр УОК-ын нарийн бичгийн дарга Т.Баярхүү “17 хүнээс омикрон илэрсэн талаар бид өмнө нь мэдээлсэн. Гэсэн ч  ЗГ, УОК хол хорио тогтоохгүй. Манай улсын нийт хүн амын 70 хувь нь вакцины нэгдүгээр тунд хамрагдсан. Хоёрдугаар тунд 66.9 хувь, нэмэлт тунд 28.5 хувь хамрагдсан байна. Өнөөдрийн байдлаар 2000 гаруй иргэн дөрөвдүгээр тунд хамрагдсан. Коронавирусийн халдварын дөрөвдүгээр давлагаа томуугийн халдвартай зэрэгцэж байгаа тул орны ачаалал нэмэгдэж байна. Эхний ээжид жирэмсэн эх, хүүхдүүд, ахмад настан зэрэг эрсдэлтэй бүлгийн хүмүүсийг хэвтүүлэн эмчлэх тул иргэдийг хүлээцтэй хандахыг уриалж байна. Халдвараар өвчилж буй иргэдийн тоо ихсэж байгаа учир эмч, эмнэлгийн ажилчид, орны ачаалал нэмэгдэж байгаа. Тиймээс иргэдэд гэрийн эмчилгээг зөвлөж, сайжруулах талаар зохион байгуулах арга хэмжээг эхлүүлэхээр ажиллаж байна. Одоогоор манай улсад 2.8 сая тун вакцины нөөц бий. Цагаан сарын баяраар төрийн золголт хийхгүй, гэр бүлийнхээ хүрээнд тэмдэглэхийг зөвлөж байгаа” гэв.