Ардчилан намын бүлгээс цаг үеийн асуудлаар мэдээлэл өглөө. Энэ үеэр О.Цогтгэрэл “Даваа гарагт УИХ-ын дэгээр намын бүлгүүд хуралддаг. Өнгөрсөн долоо хоногт улсын дээд шүүхийн тогтоолыг олон нийтэд хүргэсэн. Үүгээр Ардчилсан намын маргаантай асуудлыг шийдсэн. Ардчилсан намын 2000 гаруй гишүүнээс сонгогдсон Онц их хурлыг төлөөлж, зохион байгуулах ажлыг хийсэн Үндэсний бодлогын төвийнхныг  Улсын Дээд шүүх хууль ёсных гэдгийг тогтоосон. Тийм учраас Ардчилсан намын дотоод маргаан гэж байхгүй. Намын үйл ажиллагаа шийдэгдсэн. Харин УИХ-ын Ардчилсан намын бүлэг доторх саад бэрхшээл байна. Бид өнгөрсөн оны аравдугаар сараас Ардчилсан намын Бүлгийн дарга Д.Ганбатыг олонхын саналаар сольж, УИХ-ын даргад бичгээр мэдэгдсэн. Бидний тавьсан шаардлага биелээгүй. Тиймээс УИХ-ын даргад Ардчилсан намын бүлгийн үйл ажиллагааг хэвийн ажиллах бололцоог хангаж өгөхийг дахин шаардаж байна” гэлээ.