“Иргэний хөдөлгөөн”, “Хэвтүүл хөдөлгөөн”, Монголын ардчилсан залуучуудын холбооноос Засгийн газар огцрохыг шаардаж, жагсаж байна. Жагсаалд оролцож, үзэл бодлоо илэрхийлж буй иргэдийн санал, бодлыг хүргэж байна.  

 Жагсагч “МАН-ынхан сүүлчийн хоёр жил бизнес эрхлэгчдийн дампууруулж, эмэгтэйчүүдийн эрхийг хязгаарлаж, иргэдээ дарангуйлж байна. Бид тэдний дарангуйллыг хоёр жил тэвчиж өнгөрөөлөө. Арчилсан намынхан ч Засгийн газрыг огцрохыг шаардаж, шаардлага хүргүүлсэн. МАН-ын эрх баригчид огцрох цаг нь болсон. Яагаад гэвэл хил хаалттай, иргэдийн амьжиргаа  доройтсон. Мөн иргэд  хуулийн байгууллагын дарамтад маш их орж байна. Төрийн нэр барьж худлаа хэлж, хулгай хийдэг МАН-ын УИХ-ын гишүүн, сайд нартай тэмцсээр байх болно Бид хэвлэлийн хурал хийчихээд явахгүй. Л.Оюун-Эрдэнийн Засгийн газрыг огцортол загсаж, тэмцлээ үргэлжлүүлнэ. Бид төрийг хэзээ ч эсэргүүцэж байгаагүй. Харин хүчтэй, цэвэр ариун, бяртай байгаасай гэж хүсдэг. Тийм учраас тэмцэж байна. Дарангуйлал ямар хүчтэй вэ гэдгийг Казакстаны жишээнээс харж байна. МАН-ынхан иргэдээ дарангуйлаад байх юм бол гаднын цэрэг орж ирдэг гэдгийг бид харлаа, мэдлээ. Тэгэхээр МАН-ынхан сөрөг хүчнийхэнтэйгээ хэлэлцээрийн ширээний ард суу” гэв.