Засгийн газраас гаргасан шийдвэрийн талаар танилцуулж байна. Энэ үеэр Эрүүл мэндийн сайд С.Энхболд мэдээлэл өглөө.

      Тэрбээр  “ДЭМБ-аас өнгөрсөн сарын 26-нд бүртгэсэн омикрон хувилбарыг бүргэснээс хойш нэг сар гаруй хугацаа өнгөрсөн. Омикрон халдвар 138 улсад тархсан. Зарим улсад өдөрт 200-400 мянган хүнээс халдвар илэрч байна. Омикрон хувилбарын эхний эмнэл зүйн судалгааны дүгнэлт гарсан байна. Ихэвчлэн халуурах, толгой өвдөх, үе мөч янгинах, хоолой өвдөх шинж тэмдэг илэрч байна. Манай улсад арванхоёрдугаар сарын сүүлчийн долоо хоногт коронавирусийн халдварын тохиолдол нэмэгдсэн. Энэ нь шинэ жилийн баярыг өргөн дэлгэр тэмдэглэсэнтэй холбоотой гэж үзэж байгаа. Өнөөдрийн байдлаар 690 мянган хүнээс коронавирусийн халдвар илэрсэн. Манай улс омикрон хувилбар гарсан цагаас хилийн боомтуудад халдвар хамгаалалтын дэглэм болон тандалт, шинжилгээний ажлыг эрчимжүүлсэн. Арваннэгдүгээр сарын 27-оос хойш 104 онгоцоор 10544 зорчигч ирсэн. Тэднээс Шинжилгээ авахад 411 тохиолдол зөөвөрлөгдөн батлагдсан байна. Тэдний 244 нь энхийг сахуилах албан хаагч байсан. Тэднийг онгоцны буудлаас Бага баянд тусгаарлаж байгаа. Батлагдсан тохиолдлуудын 96 хувь нь хөнгөн, дөрвөн хувь нь хүндэвтэр хэлбэртэй байна. Манай улсад ДЭМБ-ын тусламжтайгаар омикорон хувилбарыг илрүүлэх аппарат ирсэн. Тус аппаратаар өнгөрсөн сарын 20-аас гадаадаас ирсэн иргэдээс  шинжилгээ авч эхэлсэн. Одоогийн байдлаар эцэслэгдэж шинжилгээний хариу гараагүй байна. Сүүлийн гурван сарын сорьцыг Япон Улс руу илгээсэн.  Энэ сарын сүүлчээр хариу ирнэ. Өнөөдрийг байдлаар вакцины нэмэлт тунд хийсэн судалгааны урьдчилсан дүнгээр халдварын тохиолдол буурсан гэх дүгнэлт гарсан. Тиймээс иргэд өрийн хүсэлтээр дөрөв дэх тунд хамрагдах боломж бүрдүүлэхээр тогтоолын төсөлд ажиллаж байна. Сүүлчийн өдрүүдэд томуугийн тархалт нэмэгдэж байгаа Одоогоор хүүхдийн орны дүүргэлт 70 гаруй хувьтай байна. Тийм учраас томуугийн өвчнөөс урьдчилан сэргийлж, халдвар хамгаалалтын дэглэмээ сахих ёстой" гэлээ.