Г.ДӨЛГӨӨН: Монголбанк Үндэсний хөрөнгө оруулалтын банканд 14 тэрбум төгрөгийн зээл олгосон нь үнэн

2022-01-04, 1051

Эдийн Засгийн байнгын хорооны хуралдааны үеэр УИХ-ын гишүүн Ч.Хүрэлбааатар "Чингис хаан банканд гацсан төрийн 140 тэрбум төгрөг төлөгдсөн үү. Үндэсний хөрөнгө оруулалтын банк арванхоёрдугаар сарын 1-нд 100 тэрбум төгрөгийн үлдэгдэлтэй байсан. Сүүлд 90 тэрбум болсон байсан. Одоо хэдэн тэрбум үлдсэн бэ. Үндэсний хөрөнгө оруулалтын банканд Монголбанк мөнгө зээлдүүлээд Эрүүл мэндийн даатгалын сангийн мөнгийг хаалгасан гэсэн мэдээлэл байна. Энэ үнэн үү. Монголбанк яахаараа төлбөрийн чадваргүй банканд зээл олгодог юм бэ. Үндэсний хөрөнгө оруулалтын банканд 14 тэрбум төгрөг байсан даа" гэв.

Монголбанкны тэргүүн дэд ерөнхийлөгч Г.Дөлгөөн “Чингис хаан банкыг төлбөрийн чадваргүй гэж Монголбанк дүгнэлт гаргасан. Шаардлага өгч байгаа нь үнэн. Үндэсний хөрөнгө оруулалтын банкны мөнгөн урсгалд өөрчлөлт орж эхэлсэн. 15 сая орчим ам.доллар пасив талд нь орж ирсэн. Мөн Монголбанк Үндэсний хөрөнгө оруулалтын банканд 14 тэрбум төгрөгийн зээл олгосон нь үнэн. Ковидын үед арилжааны банк эрсдэлд орвол зээл олгоно гэсэн түр журам бий. Хэд хэдэн банканд зээл олгосон. Банкны тухай хуулиараа нэр хэлэх боломжгүй. Үндэсний хөрөнгө оруулалтын банканд төрийн 76 тэрбум төгрөг үлдсэн" гэх хариулт өглөө.

Г.ДӨЛГӨӨН: Монголбанк Үндэсний хөрөнгө оруулалтын банканд 14 тэрбум төгрөгийн зээл олгосон нь үнэн

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2022-01-04 18:34:13

иргэн: Амарч юмаадаа,жаахан дургуй хүрвэл нууцын зэрэглэлтэй,шалгаж байгаа мэдээлэл өх боломжгүй ерөөсөө л нэг ийм хариулт их моодонд орждээ?